५० थान गोलीसहित विमानस्थलबाट एकजना पक्राउ

काठमाडौं । काठमाडौंदेखि झापाको भद्रपुर जाने एकजना यात्रु ५० था गोलीसहित पक्राउ परेका छन् ।

सोमबार दिउँसो १२ः३५ बजेको श्री एयरलाइन्सको उडानबाट झापाको भद्रपुर जान लागेको बद्रिह्याङ राईको झोला चेकजाँच गर्ने क्रममा ५० थान थोली बरामद भएको एसएसपी राजेशनाथ बास्तोलाले क्लिकमाण्डूलाई जानकारी दिए ।

उनका अनुसार ९एमएमको पेस्तोलमा लाग्ने ५० थान गोली राईको झोलामा भेटिएको थियो । राई आमासँग झापा जाँदै थिए ।

हाल राईलाई पक्राउ गरी आवश्यक प्रक्रिया पूरा गरी महानगरीय प्रहरी वृद्धि गौशालामा पठाइएको उनले जानकारी दिए ।