निम्नआदरमा बालेनले प्रधानमन्त्रीलाई भनेः तँ नेता त के मान्छे पनि बन्न सकिनस्

काठमाडौं । काठमाडौं महानगरपालिकाका मेयर बालेन शाहले प्रधानमन्त्री केपी शर्मा ओलीले कहिल्यै छोराछोरीका बुबा हुन नपाएकाले अरूका छोराछोरी मर्दाको पिडा थाहा नपाएको बताएका छन् । प्रधानमन्त्री ओलीमाथि अमर्यादित भाषामा फेसबुक स्ट्याटस लेख्दै बालेनले ओली भरौटेहरूको मात्र बा हुन सकेको आरोप लगाए ।

सामाजिक सञ्जालमा प्रधानमन्त्रीलाई निम्न आदरमा सम्बोधन गर्दै मेयर शाहले भनेका छन्, ‘तेरो भरौटेहरूको पो बा भइस् । साँच्चै नै कहिले बा हुन पाएको भए पो छोराछोरीको मृत्युको पीडा बुज्थिस् ।’

उनले सोमबार देशैभर जेनजीको प्रदर्शनमा राज्यले गरेको धरपकडबारे भनेका छन्, ‘यस्तो आतङ्कवाद यो विश्वले कहिले देखेको थिएन । तँ नेता त के मान्छे पनि बन्न सकेनस्, आतङ्कवादी होस् ।’ त्यसपछि ह्यासट्यागमा केपी ओली एज टेरोरिस्ट लेखेका छन् ।