ओलीले कड्किँदै भने: राजा बन्छु, व्यवस्था मास्छु भन्नेले शुक्रबारको घटनामा आफ्नो धारणा दिनु पर्दैन ?

काठमाडौं । प्रधानमन्त्री केपी शर्मा ओलीले पूर्व राजा ज्ञानेद्र शाहले आफ्नो धारणा सार्वजनिक गर्नुपर्ने बताएका छन् ।

सोमबार प्रतिनिधि सभालाई सम्बोधन गर्दै प्रधानमन्त्रीले राजा बन्छु, व्यवस्था मास्छु भन्नेले गत शुक्रबार तीनकुनेमा भएको सबै घटनाको विषयमा आफ्नो धारणा सार्वजनिक गर्नुपर्ने बताएका छन् ।

प्रधानमन्त्रीले संसदमा सम्बोधन गर्दै गर्दा राजावादी दल राप्रपाले आपत्ति जनाएपछि ओली क्रुद्ध भएका थिए । उनले कड्किँदै संविधान मिचिएको बेला के को नियमावली भन्दै कड्किएका हुन् ।

‘अपराधी घटनामा कसैले उन्मुक्ति पाउँदैन, पूर्व राजाले पनि पाउनु हुन्न, मर्नलाइ दुरुत्साहन गर्ने,’ पूर्वराजालाई लक्षित गर्दै उनले भने, ‘यो घटनाको सबै जिम्मेवारी उहाँले लिनुपर्छ ।’