निषेधाज्ञाका बीच मे महिनामा १२ हजार नेपाल भित्रिए, २३ हजार बाहिरिए

काठमाडौं । कोरोना महामारीका बीच नेपाल भित्रिनेहरुको संख्याभन्दा बाहिरिनेको संख्या करिब दोब्बर देखिएको छ ।

अध्यागमन विभागका अनुसार मे महिनामा १२ हजार ४०० जना नेपाल भित्रिएका थिए भने सोही महिनामा नेपाल छाडेर विदेश जानेको संख्या २३ हजार १३५ छ ।

जसमध्ये १० हजार ९३२ जना नेपाली नेपाल आएोमा १ हजार ४६८ विदेशी नेपाल आएका छन् । त्यसैगरी नेपाल छाड्नेमा १३ हजार १५८ जना नेपाली रहेकोमा यसबीच ९ हजार ९९७ जना विदेशी नागरिकले नेपाल छाडेको विभागको भनाइ छ ।

निषेधाज्ञाका बीच पनि चार्टर्ड उडान जारी रहँदा उनीहरुले हवाई यात्रा गर्न पाएका हुन् । सरकारले भारतसँग एयर बबल सम्झौता अनुसार सातामा २ वठा हवाई उडान जारी राखेको छ भने आजदेखि थप तीन देशमा पनि हवाई उडान सातामा २ वटा शुरु गर्ने निर्णय गरिसकेको छ ।