६ जनाले गरे पुमोरी हिमालको सफल आरोहण

काठमाडौं । सगरमाथामा १२ जनाले सफलताका साथ डोरी टांँग्ने काम सकाएको ३ दिनपघि ६ जनाले पुमोरी हिमाल सफलताका साथ आरोहण गरेका छन् ।

पर्यटन विभागकी निर्देशक मिरा आचार्यले २ जना भारतीय र ४ जना नेपालीले सफलताका साथ पुमोरी हिमालको आरोहण गरेको जानकारी दिइन् ।

सोमबार २ः३० बजे हिमाल आरोहण गरेको उनले जानकारी दिइन् ।

३ दिनअघि शुक्रबार कामीरिता शेर्पासहित १२ जनाले सफलताका साथ आरोहण गरेका थिए । कामीरिता शेर्पाले २५औं पटक सगरमाथाको सफल आरोहण गरेका थिए ।