एक्जिट पोलमा मोदीले जित्ने भविष्यवाणीसँगै भारतीय सेयर बजारले राख्यो एतिहासिक रेकर्ड

क्लिकमान्डु २०७६ जेठ ६ गते १८:२१ मा प्रकाशित

भारतीय लोकसभा निर्वाचन सकिएलगत्तै विभिन्न मिडियामा आएका एक्जिट पोलहरुले नरेन्द्र मोदीको नेतृत्वमा रहेको भारतीय जनता पार्टीले अग्रता लिएसँगै त्यहाँको सेयर बजारले एतिहासिक रेकर्ड कायम गरेको छ ।

सोमबार दिनभरी जबरदस्त खरिद भएपछि बम्बे स्टक एक्सचेन्ज (बीएसइ)मा सेयर बजारमा ३.७५ प्रतिशतले वृद्धि भयो । सेयर बजार १४२१.९० अंकले बढेर ३९३५२.६७ पुग्यो भने नेशनल स्टक एक्सचेन्जमा ३.६९ प्रतिशतले बढ्दा ४२१.१० अंकले बढेर ११८२८.२५ पुगेको छ ।

एक्जिट पोलमा मोदी सरकारको लोकप्रियता बढ्दै जाँदा सेयर बजारमा उत्साह देखिएको हो । सोमबार सेयर बजारमा मात्रै ६० सेकेन्डमा कम्पनीहरुको पुँजी ३.१८ लाख करोड भारतीय रुपैयाँले बढेको थियो ।

सुरुवाती कारोबारमा कुल बजार पुँजीकरण १,४९,७६,८९६ करोड भारुमा पुगेको छ । तीन वटा सत्रमा घरेलु कम्पनीको बजार पुँजीकरणमा ५.३९ लाख करोड भारु रकमको बढोत्तरी भएको छ । एजेन्सी

ट्वीटरमा हामीलाई फलो गर्नुहोस्

तपाईको प्रतिक्रिया

हाम्रो सिफारिस

सम्बन्धित
टिप्स