अमेरिकी डलरको नयाँ रेकर्ड, एक डलर साट्न ११३ रुपैयाँ २५ पैसा खर्च गर्नुपर्ने



काठमाडौं । नेपाली रुपैयाँको तुलनामा अमेरिकी डलरले नयाँ रेकर्ड कायम गरेको छ ।

नेपाल राष्ट्र बैंकले आजको लागि तोकेको बिक्री दर अनुसार सर्वसाधारणले एक अमेरिकी डलर साट्नको लागि ११३ रुपैयाँ २६ पैसा खर्च गर्नुपर्ने हुन्छ ।

अमेरिका र टर्कीको विवादको कारण अमेरिकी डलर बलियो बनेको छ । अमेरिकाको टर्कीसँगको विवादले भारतीय मुद्रा भारुको अवमुल्यन भएपछि नेपाली मुद्राको पनि अवमुल्यन भएको हो ।

नेपालले भारतीय रुपैयाँसँग अपनाएको स्थिर विनिमय प्रणालीको कारण भारुमा आउने उतारचढावको असर नेपाली रुपैयाँमा पर्छ ।

डलर महंगो हुँदा आयातित बस्तु महंगो हुन्छ । निर्यात नभएको हुँदा डलर बढ्दा फाइदा भने छैन । तर,रेमिटेन्स तथा बैदेशिक सहयोग रकम बढ्ने हुन्छ । डलरमा तिर्नुपर्ने विदेशी ऋणको लागि बढी पैसा खर्च गर्नुपर्ने हुन्छ ।


क्लिकमाण्डू