नेपालमा एकै दिन ७० हजार पर्यटकले सेवा पाउने, कुन जिल्लामा कति पर्यटक होटल ? सूचिसहित

काठमाडौं । नेपाल राष्ट्रबैंकको सर्वेक्षणका अनुसार गत वर्ष मात्र देशभरका पर्यटक स्तरका होटलहरुमा ६ हजार १ सय ८८ वटा रुम थपिएको छ ।

राष्ट्र बैंकले सार्वजनिक गरेको सर्वेक्षण अनुसार हाल पर्यटक स्तरका होटल सहित, तारे होटलहरुमा दैनिक ६९ हजार ३ सय ३५ रुमहरु उपलव्ध रहेको समेत सार्वजनिक गरेको छ । सर्वेक्षणले नेपालमा २५ लाख ३१ हजार पर्यटक धान्न सक्ने क्षमता पर्यटक स्तरका होटलहरुमा रहेको पाइएको छ ।

नेपालमा पर्यटक स्तारका होटलहरुको संख्या २ हजार ५ सय १ रहको समेत पाइएको छ । विगतमा १५ देखि १७ लाख पर्यटक मात्रै धान्न सक्ने अवस्थामा होटलहरु रहेको बताउँदै आउने गरेको भएता पनि पछिल्लो समय देशभरका ५७ जिल्लामा गरिएको सर्वेमा यस्तो पाइएको हो ।

नेपाल पर्यटन बोर्ड तथा पर्यटक विभाग सहित नेपाल राष्ट्र बैंकले गरेको सर्वेक्षणमा नेपालमा होटलहरु संख्याले तत्काल २५ लाख भन्दा बढी पर्यटक धान्न सक्ने क्षमता रहेको पाईएको छ । सर्वेक्षणका अनुसार आर्थिक वर्ष २०७३÷७४ मा मात्रै ६ हजार १ सय ८८ वटा रुम थपिएको छ ।

काठमाडौं बाहिरका अधिकांस होटल तथा लजहरु आन्तकि पर्यटकले धानिदै आएको समेत सर्वेक्षणमा उल्लेख गरिएको छ । सर्वेक्षणका अनुसार पछिल्लो वर्षमात्रै होटलमा लगानी ९.९७ प्रतिशतले बढेको छ ।

राष्ट्रबैंले मुख्य गरी काठमाडौं, विराटनगर, नेपालगन्ज, जनकपुर, विरगन्ज, भैहरवा, पोखरा, धनगढी सहित ५७ जिल्लामा सर्वेक्षण गरेको थियो । नेपालमा सन् २०२० सम्ममा थप ४ हजार कोठहरु पनि थपिदै छन् । हालसम्म नेपालका होटलहरुमा २ खर्ब ३० अर्व रुपैयाँ लगानी भएको र सन् अहिले थप ३० अर्व रुपैयाँ लगानी भइरहेको अनुमान छ ।

सन् २०१७ को १० महिनामा ७ लाख ५० हजार भन्दा बढी पर्यटकले नेपाल भ्रमण गरेका छन् । उक्त संख्या २०१७ मा १० लाख पुग्ने र हालसम्मकै सवैभन्दा बढी पर्यटक आउने अनुमान गरिएको छ । पर्यटक आगमनदर बढेपनि एक मात्र त्रिभुवन अन्तर्राष्ट्रिय विमानस्थलका कारण भने समस्या आउने देखिन्छ ।

राष्ट्रबैंकको तथ्यांक अनुसार काठमाडौंमा मात्रै ७ सय ५० होटलका २७ हजार ३ सय ७१ रुम संख्या उपलव्ध रहेको जनाएको छ । उक्त सर्वेमा ललितपुर, भक्तपुर, सिन्धुपाल्चोक, दोलखा, काभ्रे, धुलिखेल लगायत यस क्षेत्र समेटिएको छ । त्यस्तै पोखरामा ८ सय १ होटलका १७ हजार २९ वटा रुम रहेको छ । काकी सहित, तनहु, लम्जुङ, गोरखा, स्याङजा, बाग्लुङ, पर्वत, म्याग्दी, मुस्ताङ क्षेत्र समेटिएको छ ।

विरगन्जमा पनि ४ सय ९४ पर्यटक स्तरका होटलमा १३ हजार ४ सय ९६ रुमहरु रहेका छन् । त्यस्तैगरी नेपालगन्जमा १ सय ६९ होटलमा ४ हजार २ सय ७४ रुमहरु रहेका छन् । विराटनगरमा १ सय ५१ होटलमा २ हजार ७ सय ५९ रुमहरु रहेका छन् ।

त्यस्तैगरी जनकपुरमा ४६ होटलमा १ हजार ३ सय ८० रुमहरु रहेका छन् । भने धनगढीमा ३८ होटलमा १ हजार १ सय १६ रुमहरु रहेका छन् । त्यस्तैगरी भैरहवामा ५२ होटलमा १ हजार ९ सय ३० वटा रुमहरु रहेका छन् ।

नेपालमा उपलव्ध पर्यटक स्तरका होटलको संख्या

स्रोतः नेपाल राष्ट्र बैंक