राष्ट्र बैंकको स्वायत्तता झगडा गर्न होइन काम गर्न हो, मेरो निर्णयमा राजनीतिक झल्को देखिँदैन

लामो रस्साकस्सीपछि नेपाल राष्ट्र बैंकको गभर्नरमा गत मंगलबार प्रा.डा. विश्वनाथ पौडेल नियुक्त भए । बैंक तथा वित्तीय क्षेत्रको नियामक र अर्थतन्त्रको एउटा महत्त्वपूर्ण पाटोको रुपमा रहेको राष्ट्र बैंकमा मुलुकको आर्थिक स्थितिलाई सही पाटोमा ल्याउने अभिभारा हुन्छ ।

विगतको तुलनामा केही सहज स्थिति भए पनि नेपाल अझै आर्थिक समस्याले गाँजिएको स्थितिमा छ । बैंकमा तरलता थुप्रिएर बसेको छ भने कर्जा प्रवाह हुन सकेको छैन । निजी क्षेत्रको मनोबल कमजोर अवस्थामा छ, कर्जाको माग हुन सकेको छैन ।

अहिले अर्थतन्त्र तथा वित्त क्षेत्र समस्यामा भएकाले राम्रो गर्ने ठाउँ र सम्भावना पनि उतिकै छ । सम्भावना र चुनौतीको बीचमा गभर्नर बनेर आएका पौडेलले आगामी दिनमा कस्ता नीति ल्याउलान् ? आर्थिक स्थिति सुधार्न कसरी काम गर्लान् ? उनीमाथि प्रश्न उठाइएको राजनीतिक आस्थाको प्रश्नलाई कामबाट जवाफ दिन सक्लान् वा के गर्लान् ?

उनको जवाफ छ, केन्द्रीय बैंकले गुणस्तरीय कर्जा प्रवाह सुनिश्चित गर्न सुपरीवेक्षण कडा गर्नुपर्छ, जोखिमयुक्त क्षेत्र वा निर्देशित क्षेत्र कर्जा लगानीमा पुनर्विचार गरेर उत्पादनमुलक क्षेत्रमा कर्जा लगानीलाई प्राथमिकता दिनुपर्छ र यसैगरी वित्त र मौद्रिक नीतिबीत समन्वय गरेर संवादका आधारमा नीति निर्माण गर्नुपर्छ । राष्ट्र बैंकको सुपरीवेक्षकीय भुमिका कमजोर बनेकोले क्षमता अभिवृद्धि गर्दै राष्ट्र बैंकले नितान्त मौद्रिक क्षेत्रमात्र हेर्नुपर्नेमा उनको जोड छ ।

प्रस्तुत छ, राजनीतिक दबाबभन्दा तथ्यांकमा आधारित निर्णय गरेर अर्थतन्त्रलाई स्थायित्व दिने र गतिशील बनाउने कुरामा जोड दिने नवनियुक्त गभर्नर डा. पौडेलसँग क्लिकमान्डुका विजय पराजुलीले गरेको विशेष कुराकानी: