राष्ट्र बैंकले सवा अर्ब मुद्दती निक्षेपमा लगानी गर्दै

काठमाडौं । राष्ट्र बैंकले १ अर्ब २७ करोड रुपैयाँ मुद्दती निक्षेपमा लगानी गर्ने भएको छ ।

राष्ट्र बैंकले ‘क’ वर्गका वाणिज्य बैंकमा १ अर्ब १ करोड ६० लाख, ‘ख’ वर्गको विकास बैंकमा १९ करोड ५ लाख र ‘ग’वर्गका राष्ट्रिय स्तरका वित्त कम्पनीहरुमा ६ करोड ३५ लाख रुपैयाँ लगानी गर्ने भएको छ ।

राष्ट्र बैंकका अनुसार उपदान तथा पेन्सन कोषमा रहेको १ अर्ब २७ करोड रुपैयाँ मंसिर २ गतेदेखि २०७८ साउन ३२ गते सम्मको लागि बैंक तथा वित्तीय संस्थाको मुद्दती निक्षेपमा लगानी गर्न लागेको छ ।

यसको लागि बैंक तथा वित्तीय संस्थाले १६ गते दिउँसो साढे ३ बजेसम्म ब्याजदर तोकेर राष्ट्र बैंकमा पेश गर्नुपर्ने सूचनामा उल्लेख छ । यसको लागि बैंकले विभिन्न शर्त राखेको छ ।