आज दिनभर काठमाडौंका यी ठाउँमा लोडसेडिङ हुने

काठमाडौं । नेपाल विद्युत प्राधिकरणले काठमाडौं उपत्यका भित्रका विभिन्न ठाउँमा आज शनिबार लोडसेडिङ हुने जनाएको छ ।

लप्सीफेदी तथा चाँगुनारायण सबस्टेसन निर्माण आयोजनाद्वारा टेकु सबस्टेसनको स्तरोन्नती गरि टेकु–स्युचाटार ६६ केभी लाइन १३२ केभी मा चार्ज गर्ने काम भएका कारण विद्युत आपूर्ति बन्द हुने भएको हो ।

प्राधिकरणकाअनुसार प्रथम चरणको सबस्टेसन निर्माण कार्य सम्पन्न गर्न टेकू सबस्टेसनको अहिलेको इनकमर–१ प्यानल तथा दुई वटामध्ये एक वटा पावर ट्रान्सफर्मर बन्द गर्नुपर्ने भएकाले विद्युत आपूर्ति बन्द हुनेछ ।

शनिबार सानेपा क्षेत्र, बल्खु क्षेत्र, कालीमाटी क्षेत्र, टेकू क्षेत्र, भैसीपाटी क्षेत्रलगायतमा बिहान साढे ८ बजेदेखि दिउँसो साढे ४ बजेसम्म विद्यूत आपूर्ति बन्द रहने प्राधिकरणले जनाएको छ ।