बिवाईडीका गाडीको मूल्य १० लाखसम्म बढ्यो, कुन गाडीको अब कति पर्छ ?

काठमाडौं । चिनियाँ विद्युतीय कार बिवाईडीको मूल्य बढेको छ । नेपाली बजारमा बिवाईडीको भाउ १० लाख रुपैयाँसम्मले बढेको हो ।

बजेटमार्फत सरकारले विद्युतीय सवारीसाधन (ईभी) मा कर बढाउने निर्णय गरेसँगै बिवाईडीको नेपालका लागि आधिकारिक बिक्रेता साइमेक्स इंकले मूल्य बढाएको हो ।

साइमेक्स इंकले सार्वजनिक गरेको नयाँ मूल्यअनुसार बिवाईडी सिल (प्रिमियम) को १ करोड ४५ लाख ५० हजार रुपैयाँ पर्छ ।  कम्पनीले यस अघिको मूल्यमा ६ लाख रुपैयाँ बढाएको हो । बिवाईडी सिल (पर्फरमेन्स)को १ करोड ९५ लाख रुपैयाँ पर्छ । यो गाडीमा १० लाख  रुपैयाँ मूल्य बढेको छ ।

बिवाईडी सिल (डायनामिक) ५ लाख रुपैयाँ मूल्य बढेको छ । यो गाडी किन्न अब १ करोड १० लाख रुपैयाँ तिर्नुपर्छ । यसअघि यस गाडीको मूल्य १  करोड ५ लाख रुपैयाँ थियो ।

बिवाईडी डल्फिनको मूल्य ४१ लाख १५ हजार रुपैयाँ तिर्नुपर्छ । पुरानो मूल्य ३९ लाख ८० हजार रुपैयाँ थियो ।

एट्टो थ्री (सुपेरियर)को ६७ लाख ८० हजार रुपैयाँ पुगेको छ । कम्पनीले ६५ लाख ८० हजार मूल्यमा २ लाख रुपैयाँ बढाएको हो।

एट्टो थ्री (एडभान्स) किन्नका लागि अब ५६ लाख ९० हजार रुपैयाँ तिर्नुपर्छ । यस अघिको पुरानो मुल्य ५५ लाख ९९ हजार रुपैयाँ थियो । ९१ हजार रुपैयाँ बढाएको हो । बिवाईडी नेपालमा सबैभन्दा बढी रुचाईको कार एट्टो थ्री हो ।

क्रस	मोडल	हालको मूल्य (रुपैयाँ)	बढेको मूल्य (रुपैयाँ)
१	बिवाईडी सिल (प्रिमियम)	१ करोड ३९ लाख	१ करोड ४५ लाख  ५० हजार
२	बिवाईडी सिल (पर्फरमेन्स)	१ करोड ८५ लाख	१ करोड ९५ लाख
३	बिवाईडी सिल (डायनामिक)	१ करोड ५ लाख	१ करोड १० लाख
४	बिवाईडी डल्फिन	३९ लाख ८० हजार	४१ लाख १५ हजार
५	एट्टो थ्री (सुपेरियर)	६५ लाख ८० हजार	६७ लाख ८० हजार
६	एट्टो थ्री (एडभान्स)	५५ लाख ९९ हजार	५६ लाख ९० हजार
७	अल न्यु इ सिक्स ५९ लाख	५९ लाख	यथावत

कम्पनीले अल न्यु इ सिक्सको मूल्य भने यथावत राखेको छ । यो गाडीको मूल्य ५९ लाख रुपैयाँ छ ।

सरकारले कुनैमा अन्तशुल्क र कुनैमा भन्सार बढाउदै समग्रमा १० प्रतिशत कर बढाएको छ । ५० किलोवाटसम्मको ईभीमा  सरकारले भन्सार दर १० प्रतिशतमा ५ प्रतिशत थपेर १५ प्रतिशत पुर्‍याएको छ। अन्तशुल्क छुट थियो । ५ प्रतिशले बढाइएको छ । समग्रमा १० प्रतिशत कर बढाइएको छ । ५१ देखपि १०० किलोवाटमा ५/५ प्रतिशत प्रतिशत भन्सार र अन्तशुल्क बढाएको छ । यसअघि १५ प्रतिशत भन्सार र १० प्रतिशत अन्त शुल्क थियो ।

१०१ देखि २०० किलोवाटसम्म ३० प्रतिशत भन्सार र २० प्रतिशत अन्तशुल्क पुर्‍याएको छ । यस अघि भन्सार २० प्रतिशत र अन्तशुल्क २० प्रतिशत थियो । २०१ देखि ३०० किलोवाटको २० प्रतिशत भन्सार बढाएको छ ।१० प्रतिशत अन्त शुल्क घटेको छ । ३०० भन्दा बढीमा २० प्रतिशत भन्सार बढेको छ । १० प्रतिशत अन्त शुल्क घटेको छ । समग्रमा १० प्रतिशत कर बढेको छ