श्रीमती बलात्कार आरोपमा हिरासतमा रहेका गायक रवि ओड ५ लाख धरौटी बुझाएर रिहा

काठमाडौं । वैवाहिक बलात्कारको आरोपमा प्रहरी हिरासतमा रहेका गायक रवि ओड ५ लाख रुपैयाँ धरौटी बुझाएर रिहा भएका छन् । ओड हिजो साँझ धरौटी बुझाएर रिहा भएका हुन् ।

कञ्चनपुर जिल्ला अदालतको आदेशपछि उनी ५ लाख धरौटीमा बिहीबार साँझ रिहा भएको कञ्चनपुर प्रहरीका डीएसपी उमेश जोशीले बताए ।

गायक ओडले गतसाता इलाका प्रहरी कार्यालय झलारीमा आत्मसमर्पण गरेका थिए । ‘नेपाल आइडल सिजन २’ का विजेता ओडविरुद्ध वैवाहिक बलात्कार र अप्राकृतिक मैथुनको आरोप लगाउँदै उनकी श्रीमतीले गत २० चैतमा उजुरी दिएकी थिइन् ।