विधागत पत्रकारिता विकास गर्न प्रेस युनियनले गर्यो छुट्टै विभाग गठन



काठमाडौँ । नेपाल प्रेस युनियनले विधागत पत्रकारिताको विकासका लागि विभिन्न विधागत (बीट) पत्रकारिता प्रर्वद्धन विभाग गठन गरेको छ ।

युनियनका केन्द्रीय उपाध्यक्ष जीवन भण्डारीको संयोजकत्वमा विभिन्न विधामा क्रियाशील पत्रकारहरुलाई समेटेर युनियनले विभाग गठन गरेको हो ।

युनियनका अध्यक्ष शिव लम्सालले उपाध्यक्ष भण्डारीलाई यसअघि नै विभागीय संयोजक तोकेको थियो । भण्डारीले शुक्रबार सदस्यहरु नियुक्त गरेर विभागलाई विस्तार गरेका हुन् ।

विभागका सदस्यहरुमा सूचना प्रविधि बिटबाट युनियनका सचिव सहदेव चौधरी, अनलाइनबाट सचिव छायाँचन्द्र भण्डारी, टीभीबाट सचिव अशोक तिवारी, रेडियोबाट सचिव नरहरि सापकोटा, कला साहित्यबाट केन्द्रीय सदस्य लोकराज अधिकारी, स्थानीय मामिलाबाट केन्द्रीय सदस्य शोभा केसी, संसदीय मामिलाबाट विष्णु खड्का, उर्जाबाट लक्ष्मण वियोगी, पर्यटनबाट मधुजंग पाण्डे, कृषिबाट राजेश बर्मा र स्वास्थ्यबाट बुद्धि कटेललाई नियुक्त गरिएको हो ।

विभागका बाँकी सदस्यहरु भने पछि नियुक्त गरिने विभागीय प्रमुख भण्डारीले जानकारी दिए ।

पछिल्लो समय विधागत पत्रकारिता ओझेलमा पर्दा पत्रकारिताको गुणस्तर नै खस्किदै गएको अवस्थामा युनियनले विधागत पत्रकारितालाई प्रवर्धन गर्न छुट्टै विभाग गठन गरेको महासचिव दिलीप पौडेलले बताए ।

विभागले विधागत पत्रकारिताको विकासका लागि पत्रकारहरुको क्षमता अभिवृद्धिदेखि सरोकारवालाहरुसँग छलफल तथा सहकार्य गर्ने लगायतको जिम्मेवारी पाएको छ ।


क्लिकमान्डु