कोरोना कहरमा २३ लाख कर्मचारी हटाइयो, अहिले समस्या थपियो



एजेन्सी । कोरोना कहरको समयमा भएका कर्मचारीलाई अवकाश दिँदा यतिबेला यूरोपको नागरिक उड्डयन उद्योगमा चरम समस्या पैदा भएको छ ।

उडान नभएपछि यूरोपका धेरै जसो विमानस्थल तथा विमान सेवा प्रदायकले उल्लेख्य मात्रामा कर्मचारी कटौती गरेका थिए ।

सोही कारण यतिबेला अधिकांश विमानस्थलमा कर्मचारी अभाव देखिएको छ ।

महामारीका बेला अमेरिका, युरोपले २३ लाख कर्मचारी हटाएका थिए । यतिबेला सहज रुपमा हवाई यात्रा शुरु भएको छ । विवरणहरुमा जनाइए अनुसार हाल ४२५ प्रतिशतले बढेपछि हवाई यात्रा गर्ने यात्रुको संख्यामा बढोत्तरी भएको छ ।

कर्मचारीको अभावका कारण विमानस्थल सञ्चालनमा बाधा उत्पन्न भएपछि हरेक हप्ता सयौं उडान रद्द भएका छन् । विमानस्थलहरुमा एयरपोर्टमा लामो लाइन लागेको छ । यात्रुहरु घण्टौ पर्खाइमा बस्न बाध्य छन् ।

कोपेनहेगनको कस्ट्रप एयरपोर्टमा जुनको एक बिहान, स्क्यानर, सुरक्षा चेक–इन, बोर्डिङ पास मेसिन र सीढीहरू वरिपरि यात्रुहरूको लामो लाइन थियो । आक्रोशित र विचलित यात्रुलाई सूचित गर्न पोस्ट गरिएको एक युवा कार्यकर्ताले आफ्नो फोनमा अनन्त लाइनको भिडियो हेरिरहेका थिए ।

ती यात्रु भन्छन्, ‘पहिले कसैको उडान नछुटोस् भनेर लाइनमा राख्थ्यौं । तर अहिले अवस्था निकै नाजुक छ । कस्ट्रप विमानस्थल एक दर्जनभन्दा बढी पटक विश्वकै सक्षम विमानस्थल घोषित भइसकेको छ । त्यसैले यहाँ यस्तो अवस्था देख्दा अचम्म लाग्छ ।’

युरोप र अमेरिकाका धेरै विमानस्थलले यस्तै समस्याको सामना गरिरहेका छन् । अत्यावश्यक कामका लागि पर्याप्त कर्मचारी नहुँदा हरेक हप्ता सयौं उडान रद्द भइरहेका छन् ।

अहिलेको अवस्थाको मुख्य कारण भनेको महामारी नै हो । दुई वर्षदेखि वायुसेवा उद्योग लगभग ठप्प भएको थियो ।

अहिले माग बढेपछि समस्या परेको छ । यात्रुसँगै पाइलट, उडान परिचर, सुरक्षाकर्मी, झोला जाँचकर्ता र विमानस्थलका बस चालकलाई पनि समस्या परेको छ । कामको भार बढेपछि धेरै एयरलाइन्सका कर्मचारी हडतालमा उत्रिएका छन् ।

अल्टोन एभिएसन कन्सल्टेन्सीका एमडी उमंग गुप्ताका अनुसार आगामी दिनहरू झनै कठिन हुनेछन् । वायुसेवा कम्पनीहरूले बढेको मागको फाइदा उठाउन चाहे पनि कर्मचारी अभावका कारण त्यो हुन सकेको छैन ।

महामारीको बीचमा, विश्वका एयरलाइन्सहरूले आफ्ना कर्मचारीहरूलाई २१ प्रतिशत बढीले कटौती गरेका थिए । अर्कोतर्फ अमेरिका, युरोपमा यात्रुको संख्या २०० प्रतिशतबाट बढेर ४०० प्रतिशतसम्म पुगेको छ । यो बढ्ने क्रममा नै छ ।

विश्वव्यापी रुपमा उड्डयन उद्योगले अझै पनि कोभिड–१९ का कारण ठूलो संख्यामा कर्मचारी अनुपस्थितिको समस्याको सामना गरिरहेको छ ।

यद्यपि, उद्योगले महामारीको समयमा २३ लाख कर्मचारी निकालेको थियो । यतिबेला सबै समूहमा कर्मचारीको अभाव छ ।

जुनमा मात्रै लन्डनको हिथ्रो एयरपोर्टमा प्राविधिक गडबडीका कारण सामानहरू लाइनमा बसीरहेको छ । युरोपभरका एयरपोर्टहरूमा कर्मचारीको अभाव देखिएको छ ।

भर्जिनिया ली, एयरपोर्ट्स इन्टरनेशनल काउन्सिल, युरोपका मिडिया निर्देशक भन्छिन् कि कर्मचारीको अभाव युरोपभरि महसुस भइरहेको छ । कर्मचारी भर्ना गर्न सजिलो छैन । धेरै देशहरूमा सुरक्षा क्लियरेन्स गर्न नै झन्झट छ ।

जुनमा, डसेलडोर्फ एयरपोर्टको सुरक्षा चार घण्टामा सफा गरिएको थियो । गत हप्ता एम्स्टर्डमको शिफोल एयरपोर्टमा, टर्मिनल बाहिर सुरक्षा जाँच लाइन विस्तार गरियो । जुनको अन्तिम साता हिथ्रो विमानस्थलमा सामानको पहाड थुप्रिएको थियो । मार्चदेखि यात्रुले सहज रुपमा उडान गर्न पाएका छैनन् ।

म्याड्रिडको बराजास विमानस्थलमा १५ हजार यात्रुले उडान छाडेका छन् । लन्डनको हिथ्रो र ग्याटविक एयरपोर्टहरूले विगत दुई महिनामा धेरै पटक आफ्नो उडान सीमित गर्न एयरलाइन्सलाई आग्रह गरेका थिए ।

इजीजेटले जुन महिनामा १७०० उडान रद्द गर्नुपरेको थियो । ब्रिटिस एयरवेजले मार्च–अक्टोबरमा ८ हजार उडान घटाएको छ । युनाइटेड, केएलएम, अमेरिकन, डेल्टा र लुफ्थान्साले यी दिन दर्जनौं उडानहरू रद्द गरिरहेका छन् ।

अत्यधिक कामको बोझको विरोध र पारिश्रमिक वृद्धिको माग गर्दै धेरै एयरलाइन्सका कर्मचारीले आन्दोलनको बाटो रोजेका छन् । जुन २१ मा साउथवेस्ट एयरलाइन्सका १ हजार ३ सय पाइलटले कम्पनीको कार्यालयमा धर्ना दिएका थिए ।

डेल्टा पाइलटहरूले एटलान्टामा त्यसै गरे । पेरिसको चार्ल्स डी गेल एयरपोर्टका कर्मचारी पनि चार दिनसम्म हडतालमा उत्रिएका छन् । स्पेनमा रेयाएयरका कर्मचारीहरू छ दिनको लागि हडतालमा छन् । ब्रिटिश एयरवेजका कर्मचारीहरु पनि बन्द आन्दोलनको तयारीमा छन् ।

विश्वव्यापी हवाई यात्रा अझै २०१९ स्तर भन्दा अलि तल छ । तैपनि युरोप, अमेरिकामा यात्रुको संख्या निकै तीव्र गतिमा बढेको छ । अघिल्लो वर्षको तुलनामा मार्चमा नै युरोपेली एयरलाइन्समा ४२५ प्रतिशत र अमेरिकामा २२८ प्रतिशतले यात्रुको संख्या बढेको छ ।

गत वर्षको सोही अवधिको तुलनामा मे महिनामा पेरिस विमानस्थलबाट ५९ लाख एम्स्टर्डमबाट ४१ लाख र फ्र्याङ्फर्ट विमानस्थलबाट ३४ लाख यात्रुले यात्रा गरेका थिए । हिथ्रो एयरपोर्टका प्रेस अफिसर सारा फेर्लीले भनिन्, ‘हामी चार महिनामा ४० प्रतिशत बराबरले बृद्धि गरेका छौ । तर पनि यसले सम्पूर्ण उड्डयन उद्योगलाई धेरै दबाब दिएको छ ।


क्लिकमाण्डू